Fotograf Fotostudio Weitramsdorf

Gaius Valerius Catullus

(1) Passer, deliciae meae puellae,
quicum ludere, quem in sinu tenere,
cui primum digitum dare appetenti
et acris solet incitare morsus,

(5) cum desiderio meo nitenti
carum nescio quid libet iocari
ut solaciolum sui doloris,
credo, ut gravis acquiescat ardor,
tecum ludere sicut ipsa possem
(10) et tristis animi levare curas.